Imphal, Risaw:
Ki shipai ïada khappud ki la ïoh ban kurup ïa ki tiar siat bad ki kuli ha ka por ba ki la pynlong ïa ka jingleit khynra ha Churachandpur distrik kaba don ha Manipur ha ka 25 tarik, Risaw. Kum shi bynta ban sdang ïa ka jingpyntreikam hadien ba la ïoh khubor shaphang ka jingdon jong kine ki tiar, ka kynhun jong ki shipai ïada ri ka la pynlong ïa ki jingjurip bniah ha ki jaka ba la pynap shrip bad ha ka thaiñ ba la suba ba don kine ki tiar ïaleh ha Churachandpur distrik. Na kane ka jingpyntreikam ki la ïoh ban kurup ïa ki tiar siat bad ki kuli bad ha kajuh ka por ki la ïoh ruh ban kem ïa arngut ki briew.
Shuh shuh la ïathuh ba ki la don baroh kumba 131 tylli ki jaka ba la pynap shrip da ki pulit ïa kiba la buh ha ki distrik bapher bapher jong ka Manipur, ha baroh ar kata ha ki jaka them bad ki jaka lum bad ki pulit haduh mynta ki la ïohkem ïa kumba 2232 ngut ki briew kiba la donkti ha ki kam pyntriem kiba la jia ha ki distrik bapher bapher jong ka jylla.
