London, Rymphang:

Uwei na ki rangialehkai Tennis ba paw ka ri Germany u Alexander Zverev, mynta ka kynti u lah shah pynhiar haduh ar jaka sha ka kyrdan ba 16 ha ka thup kyrdan ba thymmai jong ka ATP ia kaba lah pyllait paidbah mynta.

Shuh shuh ha kaba iadei bad katei ka thup kyrandan ba thymmai mynta, u nongrah ia ka trophy jingjop na ka Aus Open 2023 u Novak Djokovic ka ri Serbia u lah nang iai jan shuh shuh mynta sha ka jingkhur rekod jong kawei na ki nongialehkai barim ka Steffi Graf ha kaba utei u rangialehkai u lah ioh ban phai biang sha ka kyrdan ba u lah dep ban bat teng kata kum u lahduh ha ka pyrthei. Shuh shuh ruh, u Zverev u lah shah buh ha ka kyrdan ba-ar ha kaba kut jong u bnai Nailar jong u snem ba lah dep, hynrei u dang iai long u nongialehkai uba dang hap wanphai biang sha ki kyrdan ba kham hajrong hadien ba u lah ioh ia ka jingmynsaw ha ka por ba u dang shimbynta ha ka lympung ialehkai French Open 2022 kaba lah pynlong ia u ban duh mih madan ha baroh shi lynter jong u snem ialehkai. U long u nongshah rem ha ka kylla iakhun kaba ar ha ka Aus Open.

Shuh shuh ha ka thup kyrdan ba thymmai mynta, u Frances Tiafoe bad u Pablo Carreno Busta ki lah iohlad mynta ban kiew jaka sha ka kyrdan ba 14 bad 15.

Ka thup kyrdan ba thymmai jong ka ATP ia kaba lah pyllait paidbah hadien ka Aus Open 2023:

1. Novak Djokovic (SRB) 7070 pts

2. Carlos Alcaraz (ESP) 6730

3. Stefanos Tsitsipas (GRE) 6195

4. Casper Ruud (NOR) 5765

5. Andrey Rublev 4200

6. Rafael Nadal (ESP) 3815

7. Felix Auger-Aliassime (CAN) 3715

8. Taylor Fritz (USA) 3410

9. Holger Rune (DEN) 3046

10. Hubert Hurkacz (POL) 2995

11. Cameron Norrie (GBR) 2760