Los Angeles:
Hadien 4 snem ka Marvel Superheroes kan sa wanphai biang sha ki rynsan jong ka China ha kaba kane ka la long ruh hadien ba ka sorkar China ka la ailad biang ia ki phlim jong katei ka kompani ban pynmih bad pyllait paidbah ha ki rynsan jong kane ka ri.
Ka jingailad ka sorkar China ban pyni ia ki phlim Superheros jong ka Marvel ka long ruh hadien ba ka China ka la pyn kut noh ia ka jingteh la kam ha kaba iadei bad u COVID-19.
Ha kine ki 4 snem ba la leit ka China ka la khang ban pyni ia ki phlim Superheros naduh u 2019 ha kaba ki rynsan kiba don ha kane ka ri ki la mad ia ka jingduhnong bakhraw ha kaba iadei bad kane.
Da ka jingailad bad jingshah ban pyni ia ki phlim Superheros ha ki rynsan jong ka China ka jingiohnong kan sa long ia kane ka ri hi bad kumjuh ruh ia ki trai jong ki rynsan bapher bapher.
Ki phlim Superheros jong ka Marvel ki da long shisha kiba itynnad bad ha kajuh ka por kiba iaid bha ha kylleng satlak ka pyr thei.
Hadien 4 snem ba la khang ia ki phlim ka Marvel mynta u snem la iohlad ban pyni biang ia ki bad ka phlim banyng kong eh jong kane ka kompani ba la pynmih ha ki rynsan dei ka ‘Black Panther: Waka nda Forever’.
Ki phlim ka Marvel ki dei bad ki long ruh ki Blockbuster Film bud sa jong ka Disney bad kiwei kiwei. Kawei na ki nongshong shnong ka China ka Chen ka la pynpaw ka jingsngewkmen bakhraw ba la pynkut noh ka jingteh lakam ha ki rynsan hadien ka jingwan lynshop u COVID-19 bad kwah ban ioh ban leit peitkai biang ia ki phlim thymmai ha ki rynsan ka Shanghai.
Mynta u snem ki nong shong shnong ka China kin sa ioh ban sakhi ia ka “Ant-Man and the Wasp: Quantumania”, kaba yn pyllait paidbah noh ha ka 17 tarik mynta u bnai.
