Mumbai:
Hadien ba u Myntri ka tnat Information and Broadcasting u Anurag Thakur ula pynbna ban weng noh ka jingkhang ia ki khlur ak phlim bad nongrwai ka Pakistan ban wan rwai bad ak phlim sha India kiba bun ki khlur ak phlim katei ka ri kiba la ioh ruh ia ka lad ban bsuh kjat ha Bollywood ha kine ki snem ba la leit ki la pynpaw ka jingsngewkmen ha kaba iadei bad kane bad sngew ba mynta kin sa ioh ban pyni biang ia ka sap kaba ki don lyngba ki kam ba ki trei.
Ka sorkar India hadien ba ka la khang ia ki khlur ak phlim bad nongrwai jong ka Pakistan ban wan rwai sha India mynta kala pynbna ban weng bad pynkut noh syndon ia kane bad ka jingkhang ka sorkar ia ki khlur ak phlim ka Pakistan sha India ka dei halor kawei ka jingjia kaba la jia ha ki snem ba la leit halor ka jingshah thombor ka URI ha u 2016.
Ha ka jingai jingkren ha ka Shanghai Corporation Organisation Film Festival kaba ula wan shim bynta u Anurag ula pynpaw ba mynta ka sorkar ka la shim ia ka rai ban pynkut ne pynsangeh noh ka jingkhang ia ki khlur ak phlim ka Pakistan ban wan ak phlim sha India.
Ka jingshah khang jong ki khlur ak phlim ka Pakistan ban wan ak phlim sha India ka la pynduhnong bha ia ki khamtam lei lei ba ki la sdang paw ha ka kam ak phlim ha kane ka ri.
Naduh ba la khang ia ki khlur ak phlim bad nongrwai ka Pakistan ban wan rwai bad ak phlim sha India la 7 snem mynta ym shim don uwei ruh u nongrwai uba na Pakistan ban ioh wan iuhkjat sha kane ka ri bad kane ka la pynduhnong shi katdei eh ia ki.
