Imphal, Rymphang:
Ki bor sorkar jong ka jylla Manipur ha ka 10 tarik mynta u bnai ki la ïathuh ba ki shipai ka Assam Rifles ki la ïoh ban kem ïa kawei ka longkmie kaba ju donkti ha ki kam khaïi droks bad na ka met jong katei ka longkmie ki la ïoh ruh ban kurup ïa u droks ‘brown sugar’ ba shongdor T.1.62 klur. Ki shipai ki la ïoh ban kem ïa katei ka longkmie na ka khyrdop talasi Khudengthabi kaba don ha ka surok bah Imphal-Moreh, Tengnoupal district.
Na katei ka longkmie, ki bor shipai ki la ïoh ban kurup ïa 22 song u ‘brown sugar’ ba khia 813 grams. Hadien katei ka jingjia, ïa katei ka longkmie lem bad ïa u droks ba la ïoh ban kurup la leit ban aiti noh sha ki bor pulit ka thaiñ Moreh na ka bynta ki kam tohkit kiba dang sah.
