Kahramanmaras, Rymphang:
Ha kane ka khubor la ong ba katno ka jingpangnud ban iohi ba utei u rangbah uba long u kpa jong katei ka khynnah ba la shah tap ha ka jingtwa ka iingsah jongki ha Turkey, um shym la treh ban pyllait ia ka kti jong katei ka khynnah 15 snem namar dei tang ka kti hi kaba lah ban paw shabar na ka jaka ba ka la shah tap lup ha ki bynta ba la twa jong ka iingsah jongki.
La ong ba ia utei u rangbah la ithuh kyrteng kum u Mesut Hancer bad u la shu shong marwei ha katei ka jaka ha kaba baroh ki la khlad lut na ka iing jong u bad dei tang ia ka kti jong katei ka khun kaba u dang lah ban iohi bad kumta um lah ban pyllait ia ka kti jongka bad um lah ban pdiang ruh ba u la duh noh ia ka khun kaba u ieid thep mynsiem baroh shi katta.
