Shillong, Rymphang: Ka ‘Courtyard by Marriott’ kaba long kawei na ki 30-tylli ki ‘Brand’ ba kyrpang jong ka Marriott Bonvoy, ka la pynbna ïa ka jingplie ïa ka Courtyard by Marriott Shillong. Kane ka don hapdeng jong ka nongbah Shillong, ïa kaba la tip ruh kum kata ka “Scotland of the East”, kane ka jingtei kaba don 182 kamra, ka long jaka na kaba lah ban ïohi ia ki lum kiba itynnat; kane ka tyrwa ïa ki nongsah ka jinghui-hui jong ka nongbah bad ka jingkynjah jong ka meiramew.
Ka Courtyard by Marriott Shillong ka long ka ba-26 jong ki Courtyard by Marriott ka ban long shibynta ha ka “Marriott Bonvoy portfolio” ha India bad kane ka kdew ïa ka jingïaid shaphrang jong ngi ha kane ka ri. U Ranju Alex, Area Vice President – South Asia, Marriott International, u ong, “Ngi kmen shikatdei ban pynroi ïa ka jingdon jong ngi ha ka Thaiñ Mihngi da kaba plie ïa ka Courtyard by Marriott Shillong, haba ka jingdawa ïa ka leit-jingleit ka ïaid ryngkat bad ka jingthrang jong ki nongleit-jingleit ban shem ki jaka ba phylla bad ba dang sdang, roi ha ka India baroh kawei”
Ka hotel ka tyrwa ki deluxe lang bad ki luxury “suites”. Ki rong ba la pyndonkam ha ki kamra ki long ki ban pynsyaid, kiba stem bad kiba lieh bad ki jingpynbiang ha ki kamra ki long ki ban pynïabiang-ryntih ïa ka jingtrei bad ka jingshongthait. Ka Courtyard By Marriott Shillong ka plie lad ban jied napdeng lai-tylli ki jaka bam. Ka “Spectra all-day dining” ka tyrwa bun ki jait-jingbam, ha ka ‘buffet’, kiba na kylleng-sawdong ka pyrthei bad lah ruh ban shu jied hi na ki jingbam ba na kane ka thaiñ. Ka “Tavern Club” ka dei ka “alfresco bar” na kaba lah ban ïohi kyndiang ïa ki lum kiba itynnat; kane ka long ka jaka kaba biang bha na ka bynta ki “cocktails” bad ban pynmyllen ïalade da kaba bam ki jingbam barit-baria harud ka pung. Ka “Shillong Baking Company” ka tyrwa bun-jait “brewed” coffee ba ewbih bad ki jingbam bathiang.
