Shillong, Rymphang:
U Chief Inspector jong ka Boilers and Factories, Meghalaya u la pynmih ïa ka jingbthah sha baroh ki trai jong ki karkhana bapher bapher kiba don ha ka jylla Meghalaya ba kin ai shuti ïa ki nongtrei ha ka 27 tarik mynta u bnai, ha ka jaka jong ka sngi ba nyngkong jong ka taïew kumba la batai hapoh ka Section 52 jong ka Factories Act, 1948. Kane ka long kum shibynta ban ailad ïa ki nongthep ‘vote’ ba kin lah ban leit ïashimbynta ha ka ilekshon sha ka Ïing Dorbar Thaw Aiñ jong ka jylla.
