Australia, Rymphang:
Uwei u briew uba dei na Australia u la shah pynïap ha uwei u dohkha shark kaba hap ha ri France jong ka New Caledonia.
Uwei u briew uba la 59 snem karta u dang jngi kumba 150m (500ft) ha kane ka duriaw kaba paw bha ha Noumea ha ka porba u la shah thombor ha ka sngi u blei, la ong ki bor bahalor.
U la shah dait bunsien, bad u la mynsaw bad shitom jur na ka kjat bad ki kti jong u, bad u la khlad noh hadien katto katne por.
Kane kadei ka jingjia kaba 3 sien na ka jingshah thombor ha ki dohkha shark hajan ka duriaw Chateau-Royal ha ki 3 taïew ba la lah.
Arngut ki briew kiba ïa jngi kham hajan jong u, ki la ïalam noh ïa u sharud duriaw, ha kaba ki lad aijingsumar ki la pyrshang ban sumar ïa u.
Bun ki briew ki ïadon ha katei ka jaka ha ka por bajia katei ka jingjia, ki khubor ki la ong, da ka jingsheptieng ki la leit sha katei ka jaka.
Ki bor bahalor ki la khangnoh ïa bun ki jaka jngi ba hapoh katei ka jaka, bad aibor ban kem ïa ki dohkha shark kiba don ha kitei ki wah.
Uwei u briew uba la 49 snem karta uba dei u nongjngi u la mynsaw jur hadien ka jingshahthombor ha uwei u shark hapoh katei ka jaka ha ka 29 tarik u Kyllalyngkot.
Ka New Caledonia, kaba leit sha ka phang south jongka Vanuatu, ka don kumba 1,200km phang east jong ka Australia.
Watla kadei ka ïing jong ki 270,000 ki paidbah nongshong shnong, ka wan ha ka kyrdan ba 13th na ka jingbun ka jingshah thombor ha ki shark, katkum ka Florida Museum of Natural History.
