CLEMENT MAWRIE, Rymphang:
Katkum ka section 6 jong ka RTI (Right to information) Act 2005. Ngi kum ki paidbah ngi don ia ka hok ban ioh jingtip da kaba apply bad wad ia ki jingtip jong ngi lyngba kane ka ain. Kum ka nuksa dei lyngba ka jingwad ia ki jingtip ia kawei ka MLA Scheme jong u snem 2019 haduh u snem 2022, kata 3snem ha ki jingiaid lynti ia ka jingpyntrei kam ia kawei na ki MLA Scheme kaba hap hapoh ka C & RD Block Pynursla, ka Constituency kaba hap hapoh ka jingpeit jingkhmih jong u Bah Prestone Tynsong uba dei u MLA jong ka pynursla Constituency.
Ka jinglap jingshem katkum ka RTI na ka bynta kine ki lai snem ka long kumne harum :-
a)Ha u snem 2019 – 2020 la pynrung kyrpang ia ka skim na ka bynta ka rep ka riang kaba la don kumba 1000 ngut ki nongrep kiba ioh ia kane ka skim ha ka dor 12,000 /- tyngka uwei uwei u nongrep. Ha une u snem la lap ba ia ka list ki nongrep la shu type ne print lyngba ki machine, katba ha u snem ba bud kata ha u snem 2020 haduh u snem 2021 pat ki don kumba 1200ngut ki nong-rep kiba la mang kyrpang ha ka dor 12000/- tyngka uwei uwei u ne ka nongrep. Dei ha kane ka list jong u snem 2020 – 2021, la lap ba ki don 1168 ngut ki nongrep kiba ioh ia kane ka skim bad haba wad shuh shuh ia ki jingtip la ioh kham hadien sa 32 ngut ki nongrep kata ka list ka dei kaba shu Xerox na ki dak kiba shu thoh da ka kti lyng-ba ki Register line ne kopi.
Katba ha u snem 2021 haduh u snem 2022 pat la lap ba la shu thoh da ka kti ia ki kyrteng kito ki briew kiba ioh ia kane ka skim rep, kata ki don 1200 ngut ki nongrep kiba ioh 12,000 /- tyngka uwei u Nongrep. Hynrei la shem ba dang duna sa kumba 206 ngut ki bym pat don kyrteng ne kiba jah kata tad haduh ka 31.01.2023. Bad kat ruh, ka la iaid la kumba 6bnai naduh basdang ban wad ia ka RTI kata haduh ka 20 tarik u June 2023.
Kumta ha kaba iadei bad ka jingwad RTI, la shem ba ha u snem 2019 – 2020, ki list ne ki kyrteng jong kito kiba ioh ia ka skim rep kwai, rep tympew, sohtrun, sohniamtra bad kiwei kiwei ki mar rep. Katba ha u snem 2020 – 2021 pat kawei ka list ne ka kyrteng jong kito kiba ioh ia ka skim rep kaba shongdor 12000/- uwei u nongrep uba dei ban ioh. Ka list ne ka kyrteng ba shu print don 1168, katba 32 ngut pat ka dei kaba la shu serox ne copy.
Khamtam lei lei ha u snem 20212 – 2022 la shu thoh lut da ki kti, na ka bynta ki 1200 ngut ki nongrep kiba ioh 12000 tyngka uwei u nongrep. Hynrei la ioh tang 994 ngut na ki 1200 ngut ki nongrep kiba dei ban ioh, kata ka mut sa 206 ngut ki dang jah haduh ka 30th Jan 2023. Kata la palat 6bnai lyngba ki jingiaid lynti jong ka RTI, kaba sdang naduh u bnai June 2022.
Nalor kine ki skim rep, don ruh 10 tylli ki Women Village Organisation (2019 – 2020) kiba ioh ia ki skim ba shongdor 30,000/- tyngka kawei kawei ka organization. Kine ki organization ki dei kiba shu thoh da ka kti ia ki list ne ki kyrteng jong ki. Ki shnong kiba kine ki organization ki ioh kynthup ia (1)Mawbyrne (2)Wahkdait (3)Pynter (4)Mawriang(5) Mawkajem (6) Mawlyndun (7) Sohlong (8) Pyrnai (9) Mawryngkang (10) Nongsder.
Nalor kine ki jingioh ia kine ki jingiarap jong ka MLA Scheme, ki don ruh sa katto katne kiba ioh ia ki skim, kiwei kiwei pat.”
Hynrei halor kine ki skim ba ki nongrep ki ioh la don pynban da katto katne ki briew ki bym dei ki nongrep kiba hap pat ha ka thup ki nongrep, kum ki Klass I, Contractor ki Nonghikai kiba ioh ia ka skim ki nongrep kaba 12,000/- na ka bynta shi snem.
Nalor kine don ruh, ki briew kiba ioh ia ujuh shi ujuh u ne ka nongrep ha ka shisnem don kiba ioh haduh 2 ne 3 sien ha ka shisnem bad na ka bynta 3snem don kiba ioh haduh 5 ne 6 sien ia kane ka skim rep kaba 12000/- tyng-ka shisnem. Hangne ngi iohi ba la pyniaid shiliang ia ki skim.
Bad ha kaba iadei pat bad ki skim ne ki project ne ki work order, ki jingkhein jingdiah kim iaid beit iaid ryntih katkum ki procedures jong ka sorkar. Kum ka nuska, kawei ka jingmaramot ne repair ia kawei ka iing skul ka dei 5, 00000 /- San Lak Tyngka la shu thoh beit wages ne bainong trei 200000/- katba ki material ne ki tiar 3, 00000/- lak tyngka. Halor kane ka bynta na ka scheme ka la kylla sha ka scam. Balei la ong kumne namar katkum ki ain ki procedure, ki skim ki dei ban don ki jingpyni ia ki jingkhein jingdiah kiba biang, katno u rot ne katno u cement, katno u shyiap ne mawria, la pyllut bad katno ngut ki nongtrei ki skil ne unskill labour, sa kawei pat haba shna ia kawei ka Community Hall ka jinglut ka long 7,50,000/- (hynniew lak sanphew hajar) katba ia ka bai trei wages – 1,50,000/- Shilak Sanphew hajar) katba ka bai tiar pat Materials – 6,0000/- (Hynriew lak tyngka). Kine ki long tang ki nuksa, hynrei kiba bun ki rukom trei kam kiba long kumne,namar ym lah ban thoh lut hangne. Nalor kane kim shym la don ia ki Utilsation Certification ba kynthup ia ki Bill, Voucher, ki Cash Memo bad kiwei ki bank account jong kito ki briew kiba pyntrei ia kane ka kam.Hangne ka dei ka scam ka dei ka bynta jong ka bamsap ka corruption kaba ym dei shuh ban jia ne ban dang bteng nangne shakhmat kum ia kine ki scheme paidbah, hynrei ki scheme ki dei ban long fair bad square ne ban biang bad shai ki jingkhein jingdiah.
Nalor kine ki scheme ne project ki don ruh kiba la pyntrei kam ryntih, kiba don ia ki jingkhein jingdiah kiba biang. Shuwa ban pynkut ia ki jingthoh kum uwei na ki riewpaidbah la sngewdei ban buh artylli ki jingkyrpad, kaba nyngkong kum u paidbah ngi dei ban tip ia la ka hok bad kaba ar pat kum ki MLA ka la dei ka por ban shna ia ki ain ki policy na ka bynta ka jingbit jingbiang jong ki nongshong shnong hapoh ka jylla ym dei ban shu pyrkhat tang ba la wanrah ia ka MLA Scheme ka la biang, namar ka MLA Scheme ka long tang kum ka Report ne ka Progress Report jong ki MLA shisien ha ka 5 snem.
“Help the poor
Uplift the indigenous Community
When we all are progress
We will shine the country
And brings peace in the world”
“Iarap ia kiba duk
Kyntiew ia la ka Jaitbynriew
Ban ia bit ia biang lang
Ba ka Ri kan kiew shaphrang
Bad jingsuk kan wan ha sla pyrthei”
