Rymphang:
U Genaro Garcia Luna uba la 54 snem ka rta, uba dei u Myntri barim ka tnad security jong ka ri Mexico, la lap ba u donkti ban shim ïa million ka pisa na ka kynhun leh kam be-ain bad khaïi bakhlain bor tam jong ka Mexico kaba la tip kymka ‘Sinaloa Drug cartel’.
U la shah kem ruh ha u snem 2019 ha Texas bad u la lait jamin noh. U lahruh ban shah set patok shi rta jingim.
U Garcia Luna un shah set patok da kaba shu kheiñ kylluid kumba 20 snem, katkum ka jingkren jong ka tnad Department of Justice.
Kane ka jingrai pynrem ïa u ka la wan hadien 4 taïew bad lai sngi hadien ka jingbishar ïa u ha ka US District Court in Brooklyn, New York.
Ki bor bahalor ki la ong ba uwei u heh duh jongka ‘Mexican equivalent of the US Federal Bureau of Investigation’ ka la mynjur ban shim ïaka million ka pisa kaba la buh ba synduk brief case bad la pynpoi da ki dkhot jong u ‘Joaquin “El Chapo” Guzman Sinaloa drug cartel’.
U Garcia Luna, uba la sah sha US hadien ba u khlem don shuh ha ka kam, udei u ophisar ba ha khlieh duh jong ki ophisar Mexico.
U Ioan Grillo, uba dei u nong Mexico-British uba dei ruh u nongthoh kot bad expert jong kaba la khot ka ‘Mexico criminal underworld’, u la ong sha ki lad pathai khubor ba ka jingthmu kaba khraw jong ka Sorkar US bad Mexico ka long ban ïakhuh pyrshah ïa ki kam bamsap bad ki kam be-ain.
U la bynrap ruh ba ka jinglap ïa u Garcia Luna ka lah ruh ban ïarap ïa ki ophisar jong ka Mexico ban leh ïa ki kam bamsap.
Une u Myntri barim la ju tip ruh kum u ‘Architech of Mexico war on drugs’ – bad la ong ruh ba u la ai ki jingtip sha ki Sinaloa drug cartel bad kiwei de ki kynhun khaïi drok bad pyntip ruh ïa kine ki kynhun shaphang ka jingkhynra jong ki bor jong ka ain.
Bad u Garcia Luna u la kyntait ïa kane. Ka jingkynnoh pyrshah ïa u Garcia Luna ha kaba donkti bad ka Sinaloa cartel ka la paw hadien ka jingbishar pyrshah ïa u Guzman, uba la shah rai pynrem set patok shi jingim ha u snem 2019.
U nongkhaïi drok barim uba la tip kyrteng kum u Jesus “Rey” Zambada u la phla ha kapor ba bishar pyrshah ïa u Guzman u la pynpoi da ki million ka pisa sha u Garcia Luna.
Ka case pyrshah ïa u Garcia yn buh ruh ïa 9 ngut ki nongsakhi, bun ki kynthup ki nongkhaïi drok kiba la shah rai pynrem, kynthup u Zambada. U la kyntait ban leit sha ka jingshah bishar, hynrei ka lok jong u, ka Linda Cristina Pereyra, ka la ïeng bad pyrshang ban pynrem ïa u tnga jong ka bad ka rukom im jong u.
Ka Saritha Komatireddy kaba dei ka US prosecutor ka la ong ba ka Sinaloa cartel kam lah ban pynkiew ïaka kam khaïi drok jong ka khlem ka jingïarap jong u Garcia Luna.
Ki lawyer jong u Garcia Luna ki la ïatim bad kine ki nongsakhi kiba la don lang ha ka jinghajir pyrshah ïa u ban ïada ïalade hadien ba ki la dep ban leh ki kam be-ain.
