C. B. Iawphniaw, Rymphang:
Ka jingai jait kmie kam da dei tang ba la seng u longshuwa manshuwa, hynrei ka dei namar ki tieng ba ka jait jong ka kmie kan duh jait noh lada ki khun jong ka kmie ki ai jait noh ha u lok ne u tnga uba dei u nongai symbai. U shim lada ka kmie ka ioh khun 6 ngut ki khun kynthei khlem niew ia ki khun shynrang. Te na kine ki khun 6 ngut ki don kiba ioh tnga kumne- ba nyngkong i ioh ia uba na ka jait Rumnong, ba ar i ioh ia uba na ka jait Langstieh, ba lai i ioh ia uba na ka jait Ryntathiang, ba saw i ioh ia u riewlum Naga, ba san i ioh ia u phareng (English) bad ba hynriew i ioh ia u Negro.
Te lada ki khun kynthei jong ka kmie kaba dei ka jait Syiemlieh ki ai jait noh sha u kpa uba ai symbai, kata ka kpoh jong ka jait Syiemlieh ka la duh jait noh. Namar kaba nyngkong ka ai jait u kpa Rymmong, ba ar i ai jait noh sha u kpa Langstieh bad ba lai i ai jait noh sha u kpa Ryntathiang, ba saw in ai jait noh ha u kpa Naga, ba san kan ai jait noh ha u phareng (English) bad ba hynriew in ai jait noh ha u kpa Negro. Kane ka mut ka jait jong ka kmie Syiemlieh ka la duh noh khlem don pateng shuh keiñ jong kato ka kmie Syiemlieh ka la duh noh khlem don pateng shuh kein jong kato ka longïing.
Dei halor kane ka daw ba ka jaitbynriew Khasi kim trei ban ai jait kum kiwei na u symbai khnang ban lait ka duh jait duh kynja jong ka kmie. Kane kam dei eh ka jingong, ban lait na ka shongsang bad kit khunrei ha ki kynthei ne kim burom shuh ia u kpa.Phi iohi ba bun ki longiing ki burom bha ia u kpa uba ai ia u symbai bad kumjuh kida burom ia i Meikha pakha. Kane ka ai jait kmie ka iaid la ka jong ka jong bad kam don jingiadei ei ei bad ka jingong kin ia poi kha para ma ki haba ai jait kpa.
Kaba ai jait kpa ne kaba ai jait kmie makna ki don hi kiba la shongsang, namar ia kane ka shongsang ha u Khasi lei mynshuwa ki da don ki nongpeit pyrman kata u khla bad u pyrthat.
U khla un dait bad u pyrthat un poi ia kiba shong-sang shongsmeh ha ki por mynshuwa. Ka ai jait kmie bad ka ai jait kpa kim don jingiadei ei ei bad ka shong sang.
