Los Angeles:
U Hugh Jackman kum shi bynta ban pynkhreh na ka bynta ka Deadpol 3, u la shim khia ban pynlut por ha jaka kilan met ne Gym ha kaba une u tyngshop u da kwah shisha ban pynksah ia ka met ka phad jong u ban iahap bad ka bynta ha katei ka phlim.
Une u tyngshop ka X-Men un sa ak lang ha ka Deadpol 3 bad u Ryan Reynolds bad dei u Ryan uba la ai jingmut ia u Hugh ban shim khia ban pynleit jingmut kumno ban pynksah ia ka met ka phad naba kane ka phlim ka don bun bha ki jingiashoh.
Ia ka Deadpol 3 yn direk da u Shawn Levy bad ia ka khana la thoh da u Rhett Reese bad Paul Wernick bad ka bynta jong u Ryan kan long kum u Anti Hero uba la snohkti lang bad u Wolverine ban iakhun bad ki riewsniew.
Kane kan long ruh kawei na ki phlim ba itynnad bha naba la ak bad shim bynta lang da ki tyngshop kiba paw ka Hollywood. Ha kane ka phlim ka Emma Corrin kan sa ak kum ka riewsniew.
