Brussels, Rynphang:
Ha kane ka por la ong ba ka EU ka la pynngat kyndon thymmai biang pyrshah ia ka Russia ha ka Sngi Thohdien, kaba long ruh ka jing pynngat kyndon kaba 10 sien bad kane ka la jia ruh ha katei ka sngi, ba ka jingleit hiar thma jong ka Russia pyrshah ia ka Ukraine, ka la dap shi snem kynthih.
Kumta na ka liang ka EU ka la kyntu ia ka Russia ba ka dei ban sangeh noh mardor ia katei ka jingleit hiar thma ba khlem nongrim jongka pyrshah ia ka Ukraine kaba long ka ri kaba dang rit bad ka bym pat iahap bor ban iakhun pyrshah ia ka.
La ong ba kitei ki jingpynngat kyndon jong ka EU ha kane ka por ka long pyrshah ia ki katto katne ki heh lane ki kompeni kiba ai jingkyrshan ia ka Sorkar Russia, da kaba phah ia shibun jait ki jingïarap bad kumjuh ruh ka jingpynpoi ia ki drone kiba ka Russia ka la ioh ban pyndonkam hapdeng katei ka thma pyrshah ia ka Ukraine.
