Cutro, Rymphang:
59 ngut ki phetwir kiba kynthup ia 11 ngut ki khynnah rit bad iwei i khyllung ba dang shu kha shen ki la khlad noh hadien ka lieng kaba ki shong ka la kylla khongpong bad ki la ngam jyllop ha ka thaiñ shathie ka Calabria jong ka Italy ha ka step Sngi U Blei.
Ka tnat iarap jong ka Crotone ka la pyntip ba 12 ngut napdeng jong kitei ki 59 kiba shong ha katei ka lieng, ki dei ki khynnah rit, kynthup ruh ia iwei i khyllung ba dang shu kha bad 33 ngut ki longkmie.
Ki tnat pahara duriaw jong ka Italy ki la iathuh ba katei ka lieng kaba la thynñian bun ki briew, ka la kylla khongpong noh hadien ba la khie ka jing-at-phyllung ha Crotone.
Kumta, ha katei ka sngi, ki tnat pahara duriaw bad ki tnat iarap ki la leit her mar mar da ki lieng jongki tang mar ia iohi ia katei ka lieng kaba la per ha sla um ha katei ka step. Ki tnat pahara duriaw ki la iathuh ruh ba katei ka lieng ka la kit palat 200 ngut ki briew.
Kumta u Lat ka Calabria, u la pynpaw ka jingsngewkhia halor katei ka jingjia ba sngewsih ha kaba shibun bah ki mynsiem ki la duh ei ha katei ka sngi.
