Srinagar, Rymphang:
Katkum ka jingïathuh ka tyllong khubor, la ong ba ka jingïasiat kaba jur ka la jia ha ka shnong Padgampora ha ka thaiñ Awantipora kaba hap hapoh Pulwama distrik jong ka Jammu & Kashmir.
Ha kane ka jingjia, uwei u lehnoh u la shah siat ïap ha ki shipai ïada ri, la ïathuh ki pulit hynnin ka sngi.
Ïa ka metïap jong u lehnoh uba la shah siat ïap ym pat lah ban ïohtam haduh ba la thoh ïa ka khubor, la ong u nongaiktien jong ka tnat pulit Jammu & Kashmir.
Kane ka jingïasiat ka la jia hyndiat sngi hadien ka jingshah pynïap jong u Pandit jong ka Kashmir ha ki lehnoh ha Pulwama.
Ha ka jingphah khubor lyngba ka Twitter, ki pulit jong ka Kashmir Zone ki la ong, “Ka jingïasiat kaba markylliang ka la jia ha Padgampora, Awantipora kaba don ha Pulwama distrik.”
Ki pulit bad ki shipai ïada ri ki la don bynta ha ka jingpynkhlaiñ ïa ka jingpahara bad ka jingleit thwet lehnoh.
Ka jingtip kaba bniah halor ka jingjia kan sa paw kham hadien naba ki pulit ki dang ïaid shakhmat na ka bynta ban pynlong ïa ka jingtohkit.
“Kum shi bynta ban nang pynkhlaiñ shuh shuh ïa ka jingleit thwet lehnoh, ki pulit jong ka Jammu & Kashmir ki la ong, “uwei u lehnoh u la shah siat ïap ha ka por ba la don ka jingïasiat kaba markylliang.
Ha kaba ïadei bad kane ka jingjia, ïa ka metïap jong u haduh ba la thoh ïa ka khubor ym pat lap satia.
“Ka jingïasiat kaba markylliang bad ki lehnoh ka dang ïai bteng haduh mynta. Haduh ba la thoh ïa ka khubor ïa ki jingtip kiba bniah la dang ïai ap naba ka jingïasiat bad ka jingtohkit ka dang ïaibteng. U Sanjay Sharma, uba long u nongshong shnong jong ka Achan kaba don ha Pulwama, u la shah siat ha ki lehnoh ha ka por ba u dang don ha lynti ban leit sha ïew kaba don ha katei ka thaiñ ha ka sngi U Blei.
Une u briew uba la 45 snem ka rta uba la trei kum u nongap pahara ha ka Bank, u la khlad noh na ka jingmynsaw bajur ha ka jaka ai jingsumar. Ka Kashmiri Pandit Sangharsh Samiti, kaba long ka kynhun jong ki Pandit ha kane ka thaiñ, ka la buh ka jingkyrpad na u Myntri Rangbahduh u Narendra Modi bad u Myntri ba dei khmih ïa ka tnat ki kam pohïing u Amit Shah ba ki dei ban buh biang ïa u L-G Manoj Sinha.
“Ka KPSS kaba la buh ka jingkyrpad jur na u Myntri Rangbahduh bad u Myntri ka tnat ki kam pohïing ba ki la dei ban buh biang ïa ki mat treikam kiba la long ka daw jong ka jingshah pynïap jong Pandit ka Kashmir ha ki lehnoh na ka bynta ki katto katne tylli ki daw bad ban buh biang ïa u Lt. Governor khnang ban lah ban weng noh ïa ka jingïaumsnam bad ki jingshah kynthoh jong ki heh sorkar,” la ong ka jingthoh ba la wan na ki heh shipai ba la phah sha ki nongthoh khubor.
