Los Angeles:
U Ranveer Singh ula shah thung kum u nongrah ktien bathymmai jong ka kompani Pepsi ha kaba ki hehduh ka Pepsi ki la pynbna ia ka kyrteng jong u kum u nongrah ktien jong ka ha ka sngi nyngkong.
U Ranveer uba la ak ha ki katto katne ki Blockbuster Film bad uba don bun ki nongkyrshan ym tang ha India hynrei wat sha kiwei kiwei ki bynta jong ki ri ka pyrthei ula long u nongrah ktien bathymmai ka Pepsi ha kaba une u tyngshop un sa pynbna ia ki jingdih jong katei ka kompani ha kine ki bnai ban wan.
Ka kompani Pepsi kum shi bynta ban khring ia ki paidbah ban mad bad ban thied ia ki jingdih jong ka, ka la thung noh da u Ranveer kum u nongrah ktien bad kyrmen skhem ba lyngba une u tyngshop kane ka kompani kan sa nang kham lah shuh shuh ban die ia ki jingdih kiba thymmai kiba ka pynmih.
Ka Saumya Rathor, haba iakren halor ka jingshah thung u Ranveer kum u nongrah ktien ka Pepsi ka la ong ba une u tyngshop u dei uba nang bha ban khring ia ki khynnah samla la ka long ha ka kam ak phlim, ne ha ki byrta ba u pynbna bad kumjuh ruh ban shad bad ban rwai
Katkum ka jingiathuh ka Saumya ka jingthmu ba ha khmat duh jong ka Pepsi ka dei ban khring ia ki khynnah samla ban mad ia ki jingdih jong ka bad kyrmen skhem ba u Ranveer un lah shisha ban leh ia kaei kaei kaba donkam.
Ha kajuh ka por ki hehduh ka Pepsi ki da pdiang sngewbha ia u Ranveer kum u nongrah ktien jong ka bad haba iakren halor ki phlim ia une u tyngshop ngin sa iohi ha ka Rocky Aur Rani Ki Prem Kahani kaba yn pyllait paidbah haduh ka 28 u Iaiong.Ha kane ka phlim la ak lang ruh da ka Alia Bhatt, Dharmendra, Jaya Bachchan bad Shabana Azmi bad la direk da u by Karan Johar bad pynmih da ka Dharma Productions.
