Shillong, Lber 01:
Uwei u rangbah u la duh ei noh ïa la ka jingim hadien ba u la shah ïuh ha kawei ka trok kaba la jia ha Mawlai Lad-Ïewrynghep ha ka por kumba 1:30 nohphai sngi.
Katkum ka jingbatai na ki briew kiba shong dukan ha kane ka jaka, la ïathuh ba kane ka jingjia ba sngewih ka la jia ha ka por ba une u rangbah u dang thmu ban jam na shiliang sha shiliang jong kane ka surok bah.
La ïathuh ruh ba une u rangbah u bym pat ithuh kyrteng u la kyllon shadien ha ka por ba u thmu ban kiew sha ka lynti ïaid kjat bad ha kane ka por kawei ka trok ka la ïoh ïuh ïa u.
Ha kaba ïadei bad kane ka jingjia na ka liang ki pulit ki la ïoh ban bat noh ïa kane ka trok na ka bynta ban pynlong ka jingtohkit.
