New Delhi, Lber:
Ka Supreme Court hynnin ka sngi ka la rai ban bishar bniah ha ka 3 tarik, Lber halor ka jingkyrpad jong ka sorkar Tamil Nadu pyrshah ïa ka hukum jong ka Madras High Court kaba la ai jingbit ïa ka seng Rashtriya Swayamsevak Sangh (RSS) ba kan pynlong ïa ka jingïaid paidbah ha ka jylla.
Ka kynhun nongbishar jong u Chief Justice D Y Chandrachud bad u Justice P S Narasimha ka la khmih bniah ha kaba ïadei bad ka jingphah jingthoh jong u Senior Advocate u Mukul Rohatgi, uba la mihkhmat na ka bynta ka sorkar jylla, ha kaba la ong ba ka jingkyrpad ka la donkam ban khmih bniah kham kloi katba lah naba kane ka jingïaid paidbah ka la dei ban sdang ha ka 5 tarik, Lber. “Nga la ong ba la dei ban khmih bniah halor jong ka ha ka sngi Thohdieng,” la ong u heh nongbishar.
“Ngin sa khmih bniah halor jong ka ha ka sngi Thohdieng,” la ong ka kynhun nongbishar.
Ka Madras High Court ha ka 10 tarik, Rymphang, ka la ai jingbit ïa ka kynhun RSS ba kan pynlong ïa ka jingïaid paidbah ha ki surok ha Tamil Nadu ha ki tarik ban sa pynbna kham hadien, ban ban pynsngew ba ka jingïakhih ka long kaba donkam na ka bynta ban pynbha ïa ka jingsynshar paidbah.
