Moscow, Lber:
Ka tnat kam bar ri jong ka Russia ha ka Sngi Balang, ka la iathuh ba u Myntri ka tnat kam bar ri jong ka Russia u Sergey Lavrov un sa leit ban kynduh bad u Myntri ka tnat kam bar ri jong ka India u S. Jaishankar na ka bynta ki mat ba kongsan haba iadei bad ka jinglong- jingman ha Ukraine. Kane kan long ruh ha ka sngi ban pynlong ia ka jingialang G20 kaba heh bad ka ban ïashim bynta da ki Myntri kam bar ri jong kitei ki ri bapher hapoh India.
Kumta la ong ba u Lavrov bad u Jaishankar kin sa ïakren halor ki katto katne ki mat ba kongsan haba iadei bad ka jinglong jingman hapoh Ukraine namar jong ka thma ba la sdang da ka Russia. Kane kan kynthup ruh naduh ka jingiakren haba iadei bad ka khaïi- pateng, ki mang tyngka, ka leit ka wan, ka jingpyndonkam ia ka pisa jong ki ri bapher naka bynta ka jingiatrei lang ha ki sngi ki ban wan.
Ha katei ka jingialang G20, la ong ba kitei ki Myntri kam bar ri jong ki ri bapher, kin iasei la ki jong ki jingai jingmut, naduh ka jingiadei kam para ma ki bad kumno ruh ban iadei kam sha ka UN, BRICS bad ka RIC. Nalor kata, kin ïakren ruh halor ki katto katne ki mat ba kongsan katkum kane ka por ba mynta, naduh ka jingbym shngaiñ jong ka thaiñ Asia- Pacific, ka jinglong jingman hapoh Afghanistan bad kumjuh ruh ka jinghiar ka ioh ka kot bad ka jingshah ktah jong ka Ukraine na ka jingleit hiar thma jong ka Russia.
Kumta la ong ba utei u Myntri ka tnat kam bar ri jong ka Russia, u Sergey Lavrov u la wan poi sha India ha ka Sngi Ba-ar naka bynta katei ka jingialang G20 kaba heh jong ki ri bapher.
