Mumbai:
U Vicky Kaushal un sa snohtki bad u Abhishek Bachchan ban shim bynta ban pyniaid ia ka IIFA 2023 ka ban long ha Abu Dhabi ha kaba mynta u snem ha kane ka tamasa yn shim bynta da u Salman Khan, Varun Dha wan, Kriti San on, Karan Johar bad kiwei kiwei.
Katkum ka khubor ba la iohlum ia ka International Indian Film Academy and Awards (IIFA) yn pynlong ha Etihad Arena, Abu Dhabi naduh ka 26 haduh ka 27 u Jymmang.
Ka IIFA ka dei kawei na ki tamasa bakhraw tam eh jong ka India ha kaba dei ruh lyngba ka jingpynlong ia kane ka tamasa ba ki rynsan pynmih phlim jong kane ka ri ka la iohlad ban pyniajan bad kiwei kiwei ki jaka shna bad-pynmih phlim jong ki rika pyrthei.
Ka jingpynlong ia kane ka tamasa kan sa pyniakynduh lang ia ki khlur ak phlim na India ha kawei ka rynsan bad kane ka tamasa ka la sdang ruh ban paw mynta wat sha kiwei kiwei ki ri.
U Vicky haba iakren halor ka jingshah jied ban long u nongpyniaid jong ka IIFA ula pynpaw ka jingsngewkmen bakhraw bad la 7 snem tam mynta
ula iohlad ban wan shim bynta ha kane ka rynsan.
U Abhishek ruh ula pynpaw ka jingsngewkmen ban ioh pyniaid ia kane ka rynsan bad ban iakynduh ia ki nongkyrshan jong u kiba don ha Abu Dhabi.
Mynta u snem ha ka IIFA la snohkti lang da ka Department of Culture and Tourism – Abu Dhabi (DCT Abu Dhabi).
