Shillong, Lber 4:
U Vice President ka Hynniewtrep Youth Council u Bah Donboklang Kharlyngdoh haba ai jingkren ha ka sngi thang tyngshop ban pynrem ïa ki ar ngut ki Nongmihkhmat jong ka seng HSPDP, kata u Bah Methodious Dkhar bad u Bah Shakliar Warjri kiba dang shu jop bad kiba la leit ai ban jingkyrshan bad ban iatreilang bad ka NPP.
U bah Donbok u la pynsngew ba kine ki khun sarong awria ki jop ia katei ka ilekshon da kaba shim ia ka kyrteng u Maieid Hoping Stone Lyngdoh bad da ka kyrteng u maieid Hoping Stone hi ki mut ban die tad ia la ka jaitbynriew .
Namarkata ruh u la pynsngew sha kine ki ar ngut ba kin peit ia ki paidbah ka jaitbynriew bad ba kin nym ailad ba ka ding kan klang, Shuh shuh u la ong ba ia kine ar ngut ym donkam shuh ban leit sei na ïing hynrei kin shu leit shong ha phyllaw ïing jong ki ha kine ki 3 sngi shwa ban pynbam smai bad lada kim kylla kabamut hapoh ka 7 tarik, kin leit ap syndon ha khyrdop ïing u Lat ka jylla, kata ha ka 7 tarik U Lber kaba long ka sngi ban pynbam smai.
