Hyderabad, Lber:
Kum shi bynta ban rakhe pyndonburom ïa ka jingdap 65 snem jong ka All India Majlis-e-Ittehadul Muslimeen (AIMIM), u MP jong ka Hyderabad bad u heh jong ka seng u Asaduddin Owaisi u la pynshai ha ka sngi Palei da kaba ong ba ka seng jong u kan sa ïakhun ïa ka ilekshon ka ban wan ha Rajasthan bad Karnataka, bad thmu ruh ban ïakhun ha ka ilekshon Assembly ha Telangana, ha kaba la ai jingmut ïa ki briew jong ka seng ba ki la dei ban sdang noh ha ka jingpyntreikam.
Ha katei ka sngi rakhe ba la pynlong ha ka jaka treikam jong ka seng kaba don ha Darussalam, u Owaisi u la ong ba ka seng kan sa ïai btreng ha ka ban nang pynheh pynïar shuh shuh ïa ka seng ha man ki jylla.
Ka seng kaba ha Hyderabad ha ki snem 1950, ka AIMIM ka la nang kiew ha kaba ka la don arngut ki MP bad 7 ngut ki MLA ha Telangana bad uwei u MLA ha Bihar. Ka la ïakhun ruh ha ka ilekshon ha Jharkhand, UP, Maharashtra, Tamil Nadu, Uttarakhand, West Bengal bad Gujarat.
