Bhubaneswar, Lber:
Kawei ka paro ha ryngkat kaba don ïa ki tiar ba la pyndait ha ka kjat ha kaba la paw ba ka dei ka kynja Camera bad ka Microchip ka la shahkem noh na ka lieng tong dohkha ha ki bynta rudnong jong ka Paradip kaba don ha Jagatsinghpur distrik jong ka Odisha ha ka sngi Balang.
Shuh shuh la ïoh jingtip ba la don ruh ka jingthoh ha ki thapniang jong kane ka paro ha ka ktien ka bym shym lah ban sngewthuh.
Na ka liang jong ki pulit ki la suba ba kane ïa kane la sim la don ba pynher na ka bynta ki kam syntiat.
Kumba la ïathuh da ki pulit la ong, ba ki la don kumba katto katne ngut ki nongtong dohkha kiba la lap ïa kawei ka paro kaba shong ha ka lieng tongdohkha jong ki katba ki dang tong dohkha ha ki bynta jong ki um duriaw ha kine ki khyndiat sngi ba la leit.
Ïa kane ka sim la kem bad aiti noh sha ki pulit ka tnat ba dei khmih halor ki um duriaw.
“Ngi la leit rah ïa kane ka paro ha ryngkat ki tiar ba la don lang bad ka sha ki kynhun ba dei ban khmih bniah halor kane ban lap ïa ka jingshisha baroh,” la ong u ASP jong ka Paradip, u Nimai Charan Sethi ha ka jingïakren bad ki nongthoh khubor.
“U Superintendent of Police jong ka Jagatsinghpur u Rahul PR u la ong ba kin sa pan jingïarap ruh na ka State Forensic Science Laboratory na ka bynta ban khmih bniah ïa ki tiar ba la pyndait ha ki kjat jong ka paro,” la ïathuh ka tyllong khubor.
“Yn sa pan jingïarap ruh na ki riewshemphang ha kaba ïadei bad ka jingthoh ba la don ha ki thapniang jong ka paro,” u la bynrap.
Uwei u nongïarap uba la don ha ka lieng ïa uba la tip kyrteng kum u Pitambar Behera u la ïathuh ha ki nongthoh khubor ba ïa ka paro la lap ba ka don ha kane ka lieng ha ka jaka kaba jngai kumba 35 kilometre na ka rudnong ha Konark ha kine ki shiphew sngi ba la leit.
“Kynsan kynsan nga la ïohi ïa ki tiar ba la pyndait ha ki kjat jong kane ka sim. Nga la lap ruh ba la don ka jingthoh ha ki thapniang jong ka. Ngam sngewthuh ïa ka jingthoh namar kam dei ha ka ktien Odia,” la ong u Behera.
