Lucknow, Lber:
Uwei u briew uba la kit ïa ki masi u la mynsaw hadien ba u la shah siat ha ki katto katne ngut ki briew ki bym shym la lah ban ithuh ha ka Para kaba don ha Lucknow, la ïathuh ki pulit hynnin ka sngi. Kane ka jingjia ka la jia ha ka sngi Balang, la ïathuh u Station House Officer, jong ka jaka treikam jong ki pulit ka Para, u TB Singh.
U Prem Singh (50) u la don 13 tylli ki masi ha ka trok jong u bad u la kit ïa ki sha Mainpuri, la ong u SHO, ha kaba u la bynrap shuh shuh da kaba ong ba hadien ba u la shah siat la pynkit mar mar ïa u sha ka jaka ai jingsumar, ha kaba la ong ba mynta u la kham koit hadien ba u la shah sumar. Ka la don ka jingujor ejahar ba la buh ha kaba ïadei bad ka jingjia ha kaba la pynngat ha ki kyndon 307 jong ka Indian Penal Code.
U SHO u la ong ba haduh ba la thoh ïa ka khubor ym pat lah ban tip shai ïa ka daw halor ka jingshah siat jong u Singh bad ka jingtohkit ha kaba ïadei bad ka jingjia ka dang ïai bteng.
