Noida , Lber:
Ki heh jong ka Noida Authority ha ka sngi Thohdieng ki la plie paidbah ha ka sien kaba nyngkong ïa ka jaka sah jong ki ksew kiba shu shang wir ha kaba kin ïoh ban sah bad rieh tngen na ka jinghap jong u slap bad ka jingshit ka sngi, ban sumar ïa ki lada ki pang ne shitom bad lada ki mynsaw ha ka ban lah ban ai bad pynbiang ruh ki jingbam bad ban sumar bha ïa ki, la ïathuh ki heh sorkar.
Ka CEO jong ka Noida Authority ka Ritu Maheshwari ka la plie paidbah ïa kane ka jaka kaba don ha Sector 50 bad 135 bad ba yn sa pyntreikam ha kane ka jaka da ki kynhun kiba dei khmih halor ka bhah ka miat kiba dei na kane ka thaiñ, ki la ong.
Ki la don baroh kumba saw tylli ki jaka sah jong ki ksew ïa kiba la shna da ki Noida Authority ha ki Sector 34, 50, 93B bad 135.
Kumba ka long mynta, ka jingshna ïa ki jaka sah jong ki ksew jong ka Sector 50 bad 135 ki la dep bad la dep ban plie ïa ki. Ynda la dep ban shna ïa kine ki jaka yn sa bynta ban buh ïa ki ksew ba bun ki bym pat ïoh jaka sah.
Ka jingshna ïa kiwei pat ki jaka sah ki bym pat dep ki la ïaid shakhmat ha kaba la antad ba yn sa lah ban pyndep ïa kine ha ka 31 tarik, Lber, la ong ki heh jong ka Noida Authority.
