Jowai, Lber 12:
Uwei u briew u la khlad noh ha shen ha ka jingjia shah ïuh kali kaba la jia ha Lad Mukhla ha ka miet Sngi U Blei.
Ka khubor ka ïathuh ba kane ka jingjia ka la jia ha ka por kumba 8:30 mynmiet ha surokbah NH-6 ha Lad Mukhla, West Jaiñtia Hills District.
Ka kali kaba ïuh ïa utei u briew (u bym pat lah ban ithuh) ka la phet krad hadien katei ka jingjia.
Une u briew uba shah ïuh kali u dei uba rit briew, u phong ka sopti rong ïong, ka patlun rong jyrngum (blue) bad ka slipar rong saw.
