UN, Lber:
Ka UN ha kane ka kynti ka la pynrem jur halor ka kam thombor jong ka Islamist pyrshah ïa 37 ngut ki ‘riew paidbah jong ka shnong Mukdolo hapoh Nigeria.
Katkum ki khubor, la iathuh ba ki don shibun bah ki paidbah nongshong shnong ki la shah siatïap ha katei ka jingjia ba la thombor dusmon da ka kynhun kaba shah pynhap hapoh ka Islamic State jong ka West Africa.
Nalor jong shibun ngut kiba la shah siat ïap, la don bun ngut ruh kiba la ngat bad mynsaw ha katei ka jingjia.
Kumta, ki bor pahara ki la ong ba kitei ki dkhot jong katei ka kynhun kieng atiar ki la leit poi sha katei ka jaka da ki thuk-thuk bad ki la siat naphang ïa kat ki riew paidbah kiba iadon ha katei ka jaka bad ha katei ka por ba ki leit poi hangta.
Haba iakren bad ki lad pathai khubor, u nongshong shnong ka UN bad uba long ruh u dkhot jong ka Humanitarian Coordinator hapoh Nigeria, u Matthias Schmale, u la phah ia ka kyrwoh sngewlem sha ki bahaiing- hasem jong kitei ki lanot kiba la ngat bad shah ktah ha katei ka jingjia.
U Schmale u la dawa ruh ïa ki bor ba halor ba dei ban da phah bann tohkit bniah haba iadei bad katei ka jingjia khnang ba yn ïoh ia ka jingbishar kaba hok bad ba bniah.
