London, Lber:
Ha ka jingiaknieh ia ka khusnam ‘Player of the Month’ u bnai Rymphang jong ka International Cricket Council (ICC), ka khubor ka iathuh ba uwei na ki nongialehkai ba pawnam bha jong ka kynhun ialehkai ka England u Harry Brook u la lah ban tam noh shakhmat ia u rangialehkai ba pawkhmat ka India u Ravindra Jadeja bad ia u Gudakesh Motie ka West Indies ha ka jingiaknieh ia katei ka khusnam.
U Brook u lah khur ia katei ka khusnam ba-ar shalade hadien ka jinglah ka jong u ban ialehkai bha bad pynjem ia ki khnap ialehkai jong ka New Zealand ha ka jingiakhun Test, ha kaba u lah kylla long tang kum u nongialehkai ba-ar ban rah ia ka tei ka thong ha ki ar prokram ryngkatlang ruh bad u kapten jong ka Pakistan u Babar Azam. Shuh shuh ruh na katei ka prokram sam khusnam napdeng ki kynthei, ka nongialehkai ba pawkhmat jong ka Australia ka Ashleigh Gardner ka long napdeng ki kynthei ban khur ia katei kajuh ka khusnam.
Kumta ruh ka Gardner ka lah rah ia ka tei ka thong jingjop hadien ba ka kynhun ialehkai jong ka, ka lah pynseisoh ia ka jingiaid lynti jong ka ha ka ICC Women’s T20 World Cup ba dangshen. Kumta ruh ka Gardner ka lah khur ruh ia katei ka jingjop haduh arsien mynta hadien ba ka lah dep ban khur ia ka khusnam jingjop ba nyngkong ha u bnai Nohprah 2022.
Ka khubor ka iathuh ruh ba u soh uba lah mih na ka bynta ka jingiaknieh jong ki nongialehkai ia katei ka khusnam jong u bnai Rymphang 2023 ka long ruh na ka resol ialehkai jong ki jong u bnai Nohprah, ha kaba kitei ki arngut ki lah rah ia ka thong jingjop lynter ka jong ki haduh mynta u snem hadien ka jinglah jong ki ban ialehkai bha na la ka jong ka kynhun ialehkai jong ki la ka long ha ki jingiakhun ba bun over ne ba khyndiat ruh kumjuh.
Shuh shuh ruh ka Gardner ka lah ioh ruh ia katei ka khusnam hadien ka jinglah jong ka ban ialehkai bha bad ka jingai mynsiem ia ka kynhun kaba la lah ban iada biang sa shisien ia ka nam jong ka ba ka lah dep ban khur na ka Women’s T20 World Cup ha South Africa.
U Brook u lah khur mynta ia katei ka khusnam ba-ar hadien ba shisien biang u la lah ban kyntiew ia ka kam ialehkai ha ki jingialehkai Kriket bar-ri. Kumta utei u nongialehkai bat bit ha ka jinglah kamai ron kum u nongtied u lah khring ia ki nongpeitkai ha kiba bun ki bynta jong ka jingialehkai.
