Sydney, Lber:
U nongialehkai mareh-sted ba pawnam ka ri America u Fred Kerley u lah iai pynsah ia ka jinglong bakhlain ialehkai ka jong u naduh kaba sdang haduh ka aiom ialehkai ba mynta da kaba jam sha ka lynti jingjop ha ka jingiakob mareh 400m ha ka lympung ialehkai ba mynta ka Sydney Track Classic.
Shuh shuh utei u nongialehkai ba dang iai bat kum u lahduh ha ka 100m ha ka pyrthei bad u nongkhur takma Rupa ha ka Tokyo Olympic, u lah iai kyntiew ialade sha ka kyrdan ba shajrong ha ka kam ialehkai na ka bynta ban tam shakhmat ia kiwei pat da 44.65 sekhon.
U Kerley u lah sdang ia ka aiom ialehkai jong u ha u bnai ba lah dep da kaba suk ia ka jingjop ha ka 200m ha Maurice Plant Meet ha Melbourne. U long ruh u rangialehkai uba lah shimbynta ha ka 400m na ka bynta ka sien kaba saw ka kam iakhun jong u naduh u 2019 ha kaba u lah pynleit jingmut tang ha ki jingkob ba kham lyngkot ka jingmareh jngai ha ki snem ba lah dep.
Na ka jingiakhun jong ki kynthei, ka nongialehkai na New Zealand ka Zoe Hobbs kaba dang iai wandur bha ka rukom ialekai jong ka, ka lah pynher sted ialade shakhmat da 10.97 na ka bynta ban thaw ia ka rekod kum ka thei ialehkai ba sted tam ha ka jingiakob mareh 100m ha katei ka lympung ialehkai ba mynta katba ka dang ialeh ban thaw ia ka rekod ba thymmai na ka bynta ka ri jong ka.
