Shillong, Lber 14:
Ka Voice of the People Party (VPP) kan pynlong ïa ka ‘rally’ sngewnguh ka ban long ha madan Polo ha ka 18 tarik mynta u bnai ha ka por 11 baje mynstep.
Ha ka kyrwoh khubor ba la pyllait da u nongaiktien ka VPP u Dr. Batskhem Myrboh u la ong, ha kane ka rally yn ïoh ïa ka jingkren sngewnguh ïa ki paidbah ka jylla kiba la kyrshan borbah ïa ka seng na u Bah Ardent M Basaïawmoit kum u President ka seng uba long ruh u MLA.
Ha kane ka sngi kan don ruh ka jingpynkup burom ïa u nongthaw bad nongrwai ïa ka jingrwai “Kongdeng Kongnah ha U Prah”. Kumta la khot ieit ïa ki nongkyrshan ka VPP ban ïa poi sha katei ka rally.
