California, Lber:
Ki pulit jong ka California ki la iathuh ba ha ka janmiet jong ka 12 tarik u Lber, la shem ia ka met briew napoh jong kawei ka plastik kaba la song bha habar jong ka dukan die mar bam jong katei ka nongbah California. La ong ba uwei u nongiaid lynti na katei ka jaka u la pyntip mar- mar sha u nombar 911 jong ki pulit ha ki por kumba 4 baje noh phai sngi jong katei ka 12 tarik tang mar ia iohi ia katei ka song plastik kaba la song bha ia ka met briew hapoh.
Ki heh pulit na Chico, jong ka thaiñ North ha California, ki dang wad ia ki sakhi bad ki nongsakhi kiba lah ban ai jingtip eiei shaphang utei u briew ba shah pyniap bad kumjuh ruh kito kiba don kti ha katei ka kam pyniap.
Shuh shuh la ong ba hadien ba ki pulit ki la leit ban rah ia utei u briew sha jakasumar, ki bor pyniaid hospital ki la pyntip ba um don shuh naduh ka por shuwa ban poi sha katei ka jakasumar.
Ka tnat pulit Chico Police Department (CPD) ruh ka la iathuh ba ia utei u briew la lap na ka kriah thep tiar ban siew jingsiew ha katei ka dukan bad la song bha sbak ia u hapoh jong kawei ka plastik sngur bad la lah ruh ban iohi ia katto katne ki dak mong ha ka met jong u.
Kumta, ka kynhun pahara jong ki pulit ka la leit ban ker kut ia katei ka thaiñ ba don katei ka dukan die marbam kaba heh bad ban wad ia ki nongsakhi bad kumjuh ruh ia ki sabut haba iadei bad ka jingshah pyniap dusmon jong utei u briew.
