New Delhi, Lber:
Ka ïingbishar ha Delhi hynnin ka sngi ka la pyllait jamin ïa u nongïalam jong ka seng RJD u Lalu Prasad Yadav, ka kurim jong u kaba long ruh ka Myntri Rangbah barim jong ka Bihar ka Rabri Devi bad ïa ka khun kynthei jong ki ka Misa Bharti ha kaba ïadei bad ka jingshah kynnoh ba ki la donkti ha ka kam bamsap kaba la mih na ka jingïoh jaka na ka jingïapeiñ bad ka kam ba la ai sha ki nongthep kam.
U Lalu Prasad, uba la 74 snem ka rta, ha kaba dang shen u la shah sumar na ka jingbujli khyllai jong, da kaba shu shong ha ka shuki shaka u la poi ha Rouse Avenue Court ha ka por 10 baje mynstep hynrei ïa ka jingbishar ïa u la pynsangeh shwa.
Kane ka longïing ka la leit mih hakhmat u Special Judge Geetanjali Goel ha ka por 11 baje mynstep.
Ïa ka jingpyllait jamin la ai ha ryngkat ka jingïamynjur halor ka jingsiew kaba mar T. 50,000 kumba la ïakut. Kane ka jingshah mudui ka la long halor ka jingthungkam beaiñ hapoh ka tnat Railway ha kaba la ïapeiñ bad ka jaka kaba la shu thied bad ai sngewbha sha ka longïing jong u Lalu Prasad ha ka por ba u dang long u Myntri ba dei khmih ïa ka tnat Railway hapdeng u snem 2004 bad 2009.
