Shillong, Lber 16:
2 ngut ki rangïalehkai kickboxing ka Jylla ki la khur ïa ka takma rnong ha ka All India Inter University Kickboxing Championship 2023 kaba la long ha Veer Bahadur Singh Purvanchal University, Jaunpur, Uttar Pradesh.
Kine ki kynthup ïa u Daowan Suchiang bad u Nangsanlang Basaïawmoit kiba mihkhmat ïa ka North-Eastern Hill University (NEHU) ha katei ka lympung ïalehkai kaba la sdang naduh 14 haduh 17 tarik mynta u bnai.
Halor kane ka jingïoh khur takma ha katei ka lympung, na ka liang u Vice-Chancellor ka NEHU u Prof. P.S.Shukla u la ai khublei ïa kine ki nongjop.
