Shillong, Lber 16:
Ka National Cricket Academy (NCA) jong ka BCCI ka la jied ïa ki saw ngut ki khynnah ïalehkai na ka Meghalaya Cricket Association (MCA) ki ban leit ïashim bynta ha ka Zonal Cricket Academy (ZCA) ka ban long ha Guwahati naduh u bnai ban wan.
Kine ki kynthup ïa u Jarrett Medonlang Wanñiang na ka Christian Academy (Riatsamthiah), u Gaurav Jyoti Thakuria na BK Bajoria School (Boyce Road), u Angkit Tamang na Kendriya Vidyalaya (NEHU) bad u Rudra Singh Rathore na St. Xavier’s Secondary School (Polo).
Kane ka prokram kan sdang naduh 17 tarik u Ïaïong haduh 11 tarik u Jymmang.
Ha kane ka prokram ai jinghikai kin don haduh 25 ngut ki khynnah na kylleng jong ka ri kiba la shah jied ha ka All India Junior Boys Selection Committee jong ka BCCI.
Kito kiba la shah jied ki long kat kum ka jinglah ka jong ki ha ka U-16 Vijay Merchant Trophy ha liang ki shynrang kaba la long naduh 1 haduh 23 tarik u Nohprah, 2022 ha Baroda.
