Shillong, Lber 17:
Ka lympung ïalehkai First Division Shillong Cricket League 2022-23 ba la pynïaid da ka Shillong Cricket Association ka la nangjam shaphrang ha kaba ka Riatsamthiah ka la khur ïa ka jingjop ha ka sngi Thohdieng.
Ha kane ka jingïakhun kaba la long ha madan Polo, ka Riatsamthiah Cricket Club ka la pynliem noh ïa ka Donkin SCSC da 3 wiket. Ka Donkin kaba la kam trai ban tied nyngkong, ka la kamai 136 run bad shah pynkhyllem 4 wiket ha ki 20 over. U Wallam Lyngdoh u la ïoh ban khyrwit ïa ka shiteng spah da kaba ïoh 65 run na ki 62 bol bad u Pynkupbor Bonney u la tied 29 run na ki 15 bol. Katba u Mickey Marngar u la khur 2 wiket bad ïa ka shi wiket la khur da u Shaisngi Lyngdoh na ka bynta ka Riatsamthiah.
Haba wan shimti ïa ka pali ba ar, ka Riatsamthiah ka la kynjoh sha ka thong da kaba ïoh 140 run bad shah pynkhyllem 7 wiket ha ki 19.1 over. U Mewada Shylla u la khyrwit ïa ka shiteng spah da kaba ïoh 69 run na ki 50 bol bad u Nick Dann u la tied 20 run na ki 16 bol. Katba u Baremdor Rynjah u la khur 3 wiket bad 2 wiket da u Marcus Bhujel na ka bynta ka Donkin. Ïa ka nam ‘Man of the Match’ la khur da u Mewada Shylla.
