champions-league — Ki kynhun ki ban ïakhun ha ka Quarterfinal jong ka UEFA Champions Leauge

Paris, Lber:

Ha ka jingpynlong ia ka jingpyniakab jong ki klob ialehkai phutbol bapher bapher na ka bynta ka wat iakhun quarterfinal ha ka lympung kynjatbol jong ka UEFA Champions League, katkum ka khubor ba la ioh lum ka iathuh ba ka klob ialehkai na Spain ka Real Madrid ka lah shah pyniakab mynta na ka bynta ban iakhun pyrshah bad ka Chelsea ha katei ka wat.

Shuh shuh ruh katba kiwei pat ki klob ialehkai kata ka Manchester City ka lah shah pyniakab mynta ban iakhun pyrshah bad ka klob barim jong u Pep Guardiola ka Bayern Munich. Kumjuh ruh ka nonglam-khmat ha ka lympung Serie A ka klob Napoli mynta ka sien ka lah shah pyniakab na ka bynta ban iakhun bad ka AC Milan ha ka wat iakhun kaba lah tip kum ka ‘All-Italian Showdown’ bad ka Inter Milan ka lah shah pyniakab na ka bynta ban iakynduh bad ka nonglam-khmat ha ka lympung ialehkai ha Portugal ka Benfica.

Katkum ka jingiathuh da ki nongpyniaid ia katei ka prokram na ka bynta katei ka rynsan iakhun jong ki klob ha katei ka lympung, ka long ba ka kynhun ba rah ia ka thong jingjop ha ka jingiakhun pyrshah hapdeng ka Real Madrid bad ka Chelsea, kata ka kynhun kan nang iai iaid shakhmat na ka bynta ban ioh ia aireng biang la kan long bad ka Man City ne ka Bayern Munich ha ka semi-finals.

Ka lah don ruh ka jingkiew mynta ha ka lad ka lynti na ka bynta ki nongpeitkai ba kin iohi ia ki kynhun ialehkai bol na Italy ba kin jam sha ka jingiakhun phainal ha ka sien kaba nyngkongeh naduh ka por ba ka klob ialehkai Serie A ka Juventus ka lah rung sha katei ka bynta ha u 2017 bad ruh ha kaba ka Inter Milan ka lah ban iakhun pyrshah la kan long bad ka AC Milan ne bad ka Napoli ha ka semifinal; lada ka AC ka lah ban pynliem noh ia ka Benfica.

Ka bynta ba nyngkong jong ka rynsan iakhun quarter-final yn pynialehkai ha ka 11 & 12 tarik u Iaiong, ha ryngkat bad ka Real kan pyni ia ka jinglong ba tbit ka kynhun baroh kawei pyrshah ia ka Chelsea ha ka jingiakhun jong ka ha-la-iing(Santiago Bernabeu) kata ha ka jingiakhun kaba nyngkong ha shuwa ba kan leit sha London na ka bynta ka jingiakhun biang bad kajuh ka kynhun shi taiew hadien bad ka Man City ia ka jingiakhun ba nyngkong jong ka ha-iing pyrshah ia ka Bayern Munich.

Kumjuh ka Inter Milan ka lah shah pyniakab na ka bynta ban iakhun bad ka Benfica ha ka jingiakhun jong ka ha-iing ha kaba nyngkong, hynrei mynta ka lah hap ban leit sha Lisbon na ka bynta ka bynta ba nyngkong jong ka jingiakhun ban lait na ka jingiatyngkhuh bad ka AC Milan; ka ban pynkhreh ialade na ka bynta ban iakhun pyrshah ia ka Napoli ha San Siro.

Ki nongpyniaid ka lympung ki iathuh ruh ba ia ki jingialehkai ha ka rynsan iakhun semi-final yn pynialehkai ha u bnai Jymmang lem bad ka phainal ha Istanbul; kata ha ka 10 tarik Jylliew.

Ka jingpyniakab ia ki kynhun na ka bynta ki rynsan iakhun ha ka Champions League:

Quarter-finals

First legs: Iaiong 11/12

Real Madrid vs Chelsea

Benfica vs Inter

Man City vs Bayern

Milan vs Napoli

Second legs: Iaiong 18/19

Chelsea vs Real Madrid

Inter vs Benfica

Bayern vs Man City

Napoli vs Milan