Shillong, Lber 19:
U Symbud Myntri Rangbah ka Jylla uba peit ïa ka tnat shna surok ka Jylla, u Bah Prestone Tynsong u la ïathuh ba ka National Highways and Infrastructure Development Corporation Limited (NHIDCL) ka dang pynïaid ïa ka kam kaba la iehnoh da ka kompani ban pyntrei ïa ka surok Shillong-Dawki.
U Bah Prestone u la ong ba kane ka kam ka don bad ka NHIDCL ym bad ka Sorkar Jylla, hynrei ka dei kaba leh hi da ka Sorkar Pdeng lyngba ka tnat Highways and Transport.
Kum ban pynkynmaw, ka Ïingbishar Meghalaya High Court ha ka 6 tarik Lber, 2023, ka la bthah ïa ki bor ba dei khmih ban pyntikna ba ïa ka surok Shillong-Dawki dei ban pyndep noh khlem kano-kano ka jingpynslem haba pyni ïa ka daw ba ka jingshna thymmai ïa ka surok Shillong-Dawki ka dei ka jingsarong ïa ka Jylla bad ka jingpynïasoh ïa ki jaka kiba donkam.
Ka Ïingbishar ka la pyni ba ki don san bynta ki projek kiba pynmih ‘tender’ ban pyntrei kiba kynthup ïa ka Rilbong sha Mylliem Marbaniang kaba 11.6 km, na Mylliem Marbaniang sha Wahlyngkhat kaba 26.55 km, na Wahlyngkhat sha Siatbakon kumba 8 km, na Siatbakon sha Wahkdait kumba 17.77 km bad na Wahkdait sha Tamabil Dawki kumba 7.99 km.
Ka surok na Umshyrpi na thaiñ Mylliem yn shna da kaba nigam saw tylli ki kali (four lane).
