Seoul, Lber:
Na ka liang jong u nongpyn-iaid ba ha khliehduh jong ka nongbah Seoul u Oh Se-hoon, u iathuh ba ka ri jong u baroh kawei ka la pynkhreh bha mynta na ka bynta ba kan buh ia ka jingiathong kum ka jingtyrwa ban ioh ia ka hok ban pynlong ia ka Olympic ha u snem 2036. Kane ka long ruh khlem kano kano ka jingialeh ban ioh ka jingkyrshanlang na ka bynta katei ka lympung ialehkai bad ka nongbah jong ka North Korea ka Pyongyang.
Da ka jingkhmih lynti shakhmat na ka bynta ban ioh ia ka jingiadei kaba seisoh bad ka ri kaba khlainbor tam ha ka ban pynmih ia ki tiar nukliar (nuclear) jong ka thain shatei, ka Seoul ka lah phah ruh ia ka jingtyrwa ka jong ka na ka bynta ban long kata ka ri ka ban kyrshanlang (co-hosting) na ka bynta ka lympung ialehkai ha u 2032 bad ka Pyongyang sha ka International Olympic Committee (IOC) ha u snem 2021, ha shuwa ba ka Brisbane kan shah jied kum kata ka ri kaba ioh ia ka hok ban pynlong ia ka lympung ha utei u snem.
Kumta ka jingiasnohktilang jong ka ha ka jingiathong na ka bynta ban pynlong ia ka lympung ha u snem 2032 ka lah donkam mynta ban thaw bad kyntiew shuh shuh ha ka Winter Olympics jong ka Pyeongchang ia kaba lah dep ban pynlong ha ka thain Shathie jong katei ka ri ha u snem 2018, ha ka por ba ki nongialehkai na baroh ar tylli ki thain jog ka ri Korea ki iaid bad jam shakhmat hapoh kawei ka lama ka ri jong ki ha ka sngi plie pyrda bad ka jingsei madan ruh ia ka kynhun kyllem jong ka kynhun ialehkai Ice Hockey ki kynthei.
Ha kaba iadei bad katei ka bynta ba katei ka ri ka don ia ka thong mynta, na ka liang jong u khliehduh ka IOC u Thomas Bach u pdiang sngewbha ia kata.
Na ka liang jong u Oh u iathuh ba ka Seoul ka dei ban iaisah bad kaba iar ha kaba iadei bad ka jingthmu na ka bynta ban pynlong ia ki katto katne ki lympung ialehkai lada ka jingiadei ka long kaba seisoh bad kaba lah biang shibun lada ka por ka iia kan poi.
Hynrei na ka liang jong ki nongpyniaid bahalor ka Korean Sport & Olympic Committee (KS&OC) ki iathuh ba haduh mynta kim pat shym la ioh kano kano kano ka jingthoh kaba biang halor kata ka jingthmu la kan long na Seoul ne na ka thain shathie jong ka Busan ha kaba iadei bad kata ka jingiathong na ka bynta katei ka lympung ialehkai Olympic 2036. Hynrei kan shong mynta ha ki shnong ba shimet na ka bynta ka jingiakren bad mir jingmut bad ki sorkar ka ri jong ki ban shim ia ka rai ba la yn iasnohlang ne em bad ka Pyongyang.
Napdeng kiwei pat ki ri ba pawkhmat ha ka jingiathong na ka bynta ban ioh pynlong ia ka tei ka lympung ialehkai ha utei u snem bad ki ban iakhun pyrshah ia kitei ki ri, ka Qatar ka long ka ri kaba paw mynta kaba lah pynkhreh ha ka ban shim ia ka sienjam ban ioh pynlong ia ka lympung hadien ba ka ri baroh kawei ka lah long kaba jop bad ba seisoh hadien ba ka lah dep ban pynlong ia ka FIFA World Cup ha u snem ba lah dep; katba ka India, Germany bad Egypt ki paw mynta kum ki ri kiba hakhmat ki ban iathong bad iaknieh ha ka ban ioh pynlong ia ka lympung bad ruh ka ri Mexico kaba lah kawang ialade shakmat mynta ha kajuh ka jylli na ka bynta ka jingiakhun ha kaba iadei bad ka lympung.
