New Delhi, Lber:
Ka kynhun Uttar Pradesh Anti Terror Squad ka la kem ïa san ngut ki poi wir kiba dei ki nong Bangladesh ha Agra ha ka sngi Saitjaiñ. Kine ki briew ki dei kiba shong basah ha ka thaiñ Tajganj kaba don ha Agra da kaba pyndonkam da ki kot sakhi thok ban pynshisha ba ki dei ki nong India.
Napdeng kiba la shahkem, uwei uba la shah kynnoh u ju ïarap ïa ki briew ba kin jam sha shiliang ka bynta khappud, la ïathuh ki pulit. Ïa ki ar tylli ki Aadhaar Card thok, kawei ka Passport jong ki nong Bangladesh bad kiba bun ki kot ki sla donkam la ïoh ban kurup na uwei napdeng kiba la shah kynnoh.
Kane ka jingïohkem ïa kine ki briew ka la long khyndiat sngi hadien ba ka kynhun West Bengal Special Task Force ka la kem ïa ki saw ngut ki poiwir kiba na Bangladesh ha Salt Lake Sector 5 jong ka Kolkata halor ka jingpynrung jong ki ïa kiwei pat ki poiwir sha kane ka ri khlem ki kot ki sla kiba biang.
