Sumar Sing Sawian
Mynta pat ngin ia peit ia ki khlur ha sahit bneng, kaba kham iakren u dei u khlur Mangkara. U ‘Lurshai, u ‘Lur miet u ‘Lur step. Ki khlur Thynroit pat ki dei ka Constellation, kata ki khlur shi kynhun. Haba iohi ne paw tang uwei u khlur u dei u TAPHIEH ne KYNDIR. Ar tylli ki khlur, Ki THARIN THAPAI. Lai tylli ki khlur ki khot, RAH DONG – RAH KUM – RAH KHRA. U Khlur SAN HARA ne u SANMYNKWAH – u dei u khlur uba thew ia ka jingmut, kum u Nongrah khubor, u nonglam lynti, u nongkit kyntien. Ia ki khlur kdew ne pyni lynti ki ong THARU PYNIR, lada don saw tylli ki khlur ha kajuh ka jaka, ki ong SAWDONG MANIANG.
Ka jaka ba peit ia ki khlur, u bnai bad kiwei kiwei ki met bneng, ki ong ka THAD – LONG- BNENG. (Observatory).
Baroh kine ki khlur ki don ia la ka jong ka PNEH ne ka PDENG (Centre).
Shuh shuh ia ki kyntien ba sdang na u dak C. Codification – Kyntiew Bui. Chorus :- Kynud /Antra. Cinema -Durkhih. Cream – dud malai/ khangai. Conclusion -Pynkut/Wai Wat.Conscience :- Saptipbriew /saptiplem. Corrode :- Ka jutia ne sarang ba mih na u nar. Capsule :- tyndong. Copy :- Nokol. Citation :- Matti. Confetti – Phngitrong, Control – Teh lakam.Consensus :- Iamonlang, Coincident – Ryngkhat /Tynna, Calender – Tynna /panji /Almanak.
Character : Phareng, kata ka jinglong ne ka rukom bad ka akor kiba pyniapher ia ki briew kiwei ne kiwei pat.
Character – ka mut ruh ia ki nongialehkai Sawangka (drama) kaba ia ki nongshim bynta ngi ong ki PURAN ki TYNGSHOP. Character ka mut ruh ia u dak thoh ne dak pule.
Creator :- U Nongbuh U Nongthaw, khamtam eh ha ka jingiadei bad U Blei. Ka wan shwa ka kyntien Nongbuh, namar U la buh shwa ia kiei kiei ki jingdonkam, ban pynbiang bad hadien kata U sa thaw. Ka nuksa ka long, lada shna ïing, la buh shwa ia ki jingdonkam, kum u shyiap, u maw, ka dieng bad kiwei kiwei bad hadien ba la buh la pynbiang, sa lah pat ban thaw. Kumta ka wan ka kyntien U Nongbuh U Nongthaw. U buh shwa ia ka ding bad thaw pat ia ka ding ba kan syaid kan khluid. U Buh shwa ia ka um. bad sa thaw pat ba ka um kan tuid, kan dap, kan shlei.
U long namar kata, U Nongbuh U Nongthaw, U Nongpynlong U Nongpynman, U Nongsei rynñieng, U Nongsei rta, U Nongpyndap U Nongpynbiang ia kiei kiei baroh.
Ia U Nongbuh U Nongthaw, la khot ruh ia U, kum ka Mei Hukum. Ki briew ha Nongtrai ki ong ‘Ka Mei Iawlong,’ ha kaba ka mih pat ka kyntiew Ka Iawbei bad U Thawlang, jong ki kur kiba pher bapher jong u khun Hynñiewtrep Hynñiewskum.
Ia u dak thoh C, ym don satia ha ka ktien Sohra, katba la kren bad kynnoh ia u dak C ha kiba bun ki bynta ki rukom kren ha ki thaiñ Pnar, ki thaiñ War bad ruh ha ki thaiñ Sepngi jong ka Ri Hynñiewtrep.
