Srinagar, Lber:
Ki pulit jong ka Jammu & Kashmir ki la kurup ïa ar tylli ki ïing jong ki nongshong shnong kiba don ha Gundpora-Rampora bad Chittibanday jong ka Bandipora distrik kaba don ha North Kashmir, halor ka jingai jaka sah jong ki ïa ki lehnoh.
Ki heh ba dei khmih ki la ong ba ïa kine ki ïing la pyndonkam na ka bynta ban buh ïa ki jingdonkam na ka bynta ki kam pyntriem bad kumjuh ban ai jaka sah ïa ki lehnoh ha kaba la ai jingïarap da ki dkhot jong ki longïing ha kaba ïa ki jingdon jingem jong ki la kurup noh da ki pulit.
Ki heh ba dei khmih ki la ong ba ka ïing kaba don ha Gundpora-Rampora ka dei ka jong u Abdul Majeed Reshi, uba dei u kpa jong uba la shah kynnoh ai jingïarap ïa ki lehnoh u Aijaz Ahmad Reshi ha kaba la buh da ka jingujor ejahar jong ka No 15/2022 u/s 18,20,39 ULA(P) Act, 120-B IPC, 7/25 1, ka aiñ jong ka PS Aragam.
Kawei pat ka ïing kaba don ha Chittibandey ha kaba la buh da ka kyrteng jong u Mohd Jamal Malik, u kpa jong uba la shah kynnoh donkti ha ka jingjia u Maqsood Ahmad Malik ha ka jingujor ejahar jong ka No 15/2022 u/s 18,20,39 ULA(P) Act, 120-B IPC, 7/25 I, ka aiñ jong ka PS Aragam.
Ha kaba ïadei bad kane, ka kynhun Special Investigation Unit jong ki pulit ka Kashmir ki la pynlong ïa ka jingleit khynra ha ka thaiñ Kakapora jong ka Pulwama distrik jong ka South Kashmir.
Ka dei ka ïing jong u heh nongïalam jong ka kynhun LeT ïa uba la ong ba u la trei ha ka kynhun da kumba 8 snem bad la ngeit ba une u la long u lehnoh uba la slem bha hapoh ka kynhun lehnoh ha kaba u dang lait im.
Ïa ka jingleit khynra la pynlong ha kaba ïadei bad ka jingujor ejahar jong ka No. 239/2022 jong ka jaka treikam jong ki pulit ka Pulwama, la ïathuh ki heh pulit.
