Shillong, Lber 22:
Ka Jaïaw Laitdom Dorbar Carrom Club ha ka kyrwoh ba la pyllait lyngba u Secretary u Bah B. Wahlang ka pynbna bad pyntip ba kan pynlong ïa ka 1st Meghalaya Open Championship Carrom Tournament ha u Ïaïong naduh 18 tarik haduh ka 22 tarik.
Kumta na ka liang ka klob ka wer bad khot ïa ki nongïalehkai na baroh ka Jylla ba wan ïashim bynta ha kane ka jingïalehkai. Ki bai rung bad ki kyrdan ïalehkai ki long T. 600 (Team event), T. 200 (men/women’s singles), T.300 (men/women’s doubles), T. 200 (men/women’s veteran) bad ym donkam bai rung ïa ki khynnah rit (Junior) shynrang bad kynthei. Ïa ki jingtip ba kham bniah phi lah ban phone ha kine number 9402190429, 8414093939 & 8119864986. Ka tarik ba khatduh ban pynpoi ïa ki kyrteng kan long ha ka 17 tarik u Ïaïong.
