C. B. Iawphniaw
Haba jied nongmihkhmat, lada ngi dang biej pisa ka jaitbynriew kan pait kan pra. Ka ri jongngi kan shem jingeh haba la tyngkhuh bad ki bor tyrwa pisa ia phi ianga. Lada ngi biej pisa shi hajar tyngka ngim nym ioh ia ka roi ka par ka Jylla. Ki nongialam jong ki seng sain hima sima bapher bapher kim long baroh kiba ieit ia ka ri bad ka jaitbynriew, kumba ym baroh kiba riewspah namar don kiba duk.
Don kiba peit khliaw tang kumno ban ioh long nongmihkhmat ban ioh ia ka bor bat ia ka synshar ka khadar ka Jylla. Namar ki nongmihkhmat ki dei kita ki nongthaw ain kiba lah ban pynkylla ia kiba bha sha kaba sniew bad ia kiba sniew sha kiba bha. Kumta haba ngi jied ia uno uno u kyrtong ngi dei ban duriap bha ioh u long uba sniew jinglong. Uba tip briew tip blei ne uba tip ksuid tip khrei. Uba don jingnang jingstad ne uba biej bad uba duna.
Uba don akor ne u bym don akor. Uba sarong ne u bym sarong, u dei u nongshong shnong ka constituency ne uba na bar ka constituency. u dei u khun Khasi khara ne u khun ba ioh kpa bar Jylla. Uba don mynsiem sngewrit ne uba long kum ka lymbit. Ngi dei ban bishar bha ia kum kine ki mat ki jura shuwa ba ngin ai ia ka vote ha uno uno u kyrtong khnang ba ka jaitbynriew kan kiew rasong na ki liang baroh.
