Shillong, Lber 22:
Ka President jong ka ri India, ka Droupadi Murmu ka la ai ïa ka khusnam Padma Shri ïa u Bah Risingbor Kurkalang uba dei na ka shnong Laitkyrhong, East Khasi Hills, ha ka jingïalang kaba la long ha Rashtrapati Bhavan ha ka Sngi Balang.
Ha kane ka sngi, ki kynrem ki lyndan ba kynthup ïa u Vice-President, u Myntri Rangbahduh, ki Myntri Sorkar Pdeng bad kiwei ki la wan ban sakhi lang.
U Bah Risingbor u la ïoh ïa kane ka khusnam halor ka jingpynneh pynsah ïa ki tiar tem tynrai da kaba shna ïa ki kum ka Duitara bad kiwei.
