Basel, Lber:
Ka kynhun ialehkai Badminton jong ki kynthei ka ri ha ka jingiakhun ba mar arngut; kata ka Treesa Jolly & Gayatri Gopichand ki lah hap ban mihnoh mynta na ka lympung ialehkai ka Swiss Open: ka BWF World Tour Super 300 hadien ka jingshah rem noh ka jong ki tang ha ka kylla iakhun kaba nyngkong.
Kitei ki nongialehkai kiba lah rung sha ka semifinal ha ka All England Open, ha ka jingsdang ka jingiaid lynti jong ki ha katei ka lympung ialehkai ba mynta, ki lah shah pynliem noh da 14-21, 14-21 ha ki thei iakhun pyrshah kiba na Indonesia; ka Apriyani Rahayu & Siti Fadia Silva Ramadhanti.
Kham hashuwa jong katei ka jingialehkai, ha kajuh ka sngi ka Malvika Bansod ka lah ioh ban jam sha ka lympung iakhun ha ka jingiakhun paramarwei hadien ba katei ka nongialehkai ka la lah ban pynliem noh ia ka nongiakhun pyrshah na USA ka Lauren Lam da 21-17, 21-7 ha ka prokram jong ka kylla iaknieh rung sha ka lympung. Kumta ha ka lympung iakhun baroh kawei, katei ka nongialehkai ka lah shah pynbeit ruh na ka bynta ban iakynduh bad ka nongialehkai na Korea ka Kim Ga Eun ha ka kylla iakhun ba nyngkong.
Ka jingweng noh jong ki katto katne ki rangialehkai na ka lympung ka ailad mynta ia u Kiran George bad Mithun Manjunath ban pyniasohlang bad u HS Prannoy, Kidambi Srikanth bad Lakshya Sen ha ka lympung iakhun baroh kawei, ha kaba u George un iakhun bad u nong France u Christo Popov katba u Mithun un iakynduh bad u ban ioh rung sha ka lympung.
U Priyanshu Rajawat u lah shah rem noh da 7-21, 5-21 ha u Chia Hao Lee ka Chinese Taipei ha ka kylla iakhun ba nyngkong katba u Meiraba Luwang Maisnam da 13-21, 25-23, 20-22 ha u nongialehkai na Denmark u Joran Kweekel ha ka rynsan iaknieh rung ba khatduh sha ka lympung. Ha ka Mixed Doubles, u Rohan Kapoor & ka N. Sikki Reddy ki lah pynliem noh ia ki shijur na Germany; u Patrick Scheiel & ka Franziska Volkmann da 21-17, 15-21, 21-18 ban rung sha ka lympung iakhun ha kaba kin iakynduh bad ki shijur na Singapore; u Hee Yong Kai Terry & ka Tan Wei Han Jessica.
Kiwei pat ki nongialehkai ka ri ha katei ka kyrdan ialehkai kata ka Ashwini Ponnappa & u B. Sumeeth Reddy ki lah jop da 20-22, 12-21 ha u Chiu Hsiang Chieh & ka Lin Xiao Min na Chinese Taipei kylla iaknieh rung.
Ha ka Men’s Doubles, u Sumeeth Reddy & Kapoor ki shah rem noh da 15-21, 20-22 ha ki rangiakhun na Malaysia u Boon Xin Yuan-Wong Tien Ci katba ki thei ialehkai ka ri ka Ponnappa-Tanisha Crasto ki shah rem noh da 19-21, 15-21 ha ki thei na China ka Du Yue & Xia Yu Ting ha ka kylla iaknieh rung. Kumta ruh u Sikki Reddy bad Arathi Sara Sunil ki lah rung sha ka lympung da ki 21-15, 15-21, 21-18 jingjop ia u Lauren Lam & Paula Lynn Cao Hok na USA.
Ki rangiakhun ha ka jingiakhun ba mar arngut ka ri kata u Krishna Prasad Garaga-Vishnu Goud Panjala ki lah shah rem noh da 16-21, 14-21 ha ki rangiakhun na Indonesia; u Muhammad Shohibul Fikri & Bagas Maulana katba u M.R. Arjun-Dhruv Kapila ki shah rem noh da 21-17, 18-21, 11-21 ha ki nong Japan; u Akira Koga bad Taichi Saito ha ka kylla iakhun kaba nyngkong ha ka lympung.
Ha ka jingiakhun ki kynthei, ka Ashwini Bhat K.-Shikha Gautam ruh ki lah shah pynliem noh tang ha ka kylla iakhun ba nyngkong da ka jingshah rem da 17-21, 12-21 ha ki nongialehkai na Thailand ka Supissara Paewsampran-Puttita Supajirakul.
