Auckland, Lber:
U nongialehkai mareh ha ka Middle bad Long- Distance ka ri New Zealand u Zane Robertson; uba la ioh ruh ban shim bynta ha ka lympung Olympic ha u snem 2016 ha Rio de Janeiro bad ha ka Tokyo Olympics, u lah shah pynshitom mynta da ka jingshah sospon ialehkai haduh 8 snem. Kane ka dei namar ki kam dih drok bad ruh ka jingtuklar ha kaba iadei bad ki kam ki jam bad ka rukom pyniaid ia ka jing-leh ia ka jingpeitbniah ia u bad kiwei pat ruh kumjuh.
Kumta utei u rangialehkai ba 33 snem uba lah khur takma Rnong na ka 5,000m ha ka CWG 2014 , u lah shah pynngat shisien ka jingsospon ialehkai ba saw snem kynthih hadien ba lap ba u dih ia u dawai ba khang pyrshah ban pyndonkam da ki nongialehkai u Erythropoietin (EPO). Kawei pat ka jingpynshitom ka long halor ka jingjulor ia ki nongmuna kiba long ruh ki sabut ba shisha halor ka jingleh jong u bad ka jinglap ruh ia ka jingpyndonkam ia u EPO ka long ha ka jing-leit peitbniah sha ki nongialehkai ha ka Manchester Great Race kaba la long ha u Jymmang 2022.
Namarkata, dei halor kitei ki daw, u Zane Robertson u lah shah khang ban shimbynta ha kino ma ki lympung ialehkai naduh une u snem ba mynta haduh u Nailur 2030.
