Shillong, Lber 23:
Ka West Jaiñtia Hills District Cricket Association bad ka East Khasi Hills Cricket Association ki la khur ïa ka jingjop ha ka lympung ïalehkai U-14 Girls Inter District Cricket T20 Tournament 2023 ha ka sngi Palei ha Nongstoiñ.
Ha kane ka jingïakhun, ka WJH ka la lah ban pynliem noh ïa ka West Khasi Hills DCA da 9 run. Ka WJH kaba la kam trai shuwa ban tied nyngkong ka la kamai 146 run bad shah pynkhyllem 8 wiket ha ki 20 over. Ka Anastesia S. Shullai ka la long ka nongtied kaba ïoh bun da kaba kamai 41 run bad ka Sawakahi Syngkon ka la tied 19 run. Ka Adelia Fedelia Lyngkhoi ka la khur 2 wiket na ka bynta ka West Khasi Hills.
Haba wan beh ïa ka thong ka West Khasi Hills ka la shem jingeh ban ïalehkai bha na ka daw ka jingshah khnang lad ha ki nongkawang bol ka liang pyrshah bad ha kaba kut ka la kamai tang 137 run bad shah pynkhyllem 7 wiket. Ki nongkawang bol ka WJH kiba la lah ban pynhap wiket ki long ka Sawakahi (4/10) bad ka Alvarine S. Shullai (2/28). Ka Sawakahi ka la khur ruh ïa ka nam Player of the Match.
Ha kawei pat ka jingïakhun kaba ar, ka Shillong Cricket Association ka la shimti ban tied nyngkong ha kaba ka la kamai 86 run ha ki 16.4 over. Ka Leeny Rai ka la tied 15 run. Katba ka Habandarisha Shangpliang (3/29), Lawaijanai Synnah (2/14) bad ka Eliza Lyngdoh (2/28) ki la lah ban pynhap wiket na ka bynta ka EKH.
Haba wan shimti ïa ka pali kaba ar, ka EKH ka la lah ban kynjoh sha ka thong bad shah pynhap 8 wiket. Ka Sharaisuk Marpna (not out) ka la tied 26 run. Ka Habandarisha Shangpliang ka la ïohpdiang ïa ka nam Player of the Match.
