Chandigarh, Lber:
Ki pulit jong ka Punjab ha ka sngi Balang ki la kylli jingkylli bad tohkit ïa ka kmie bad ka kurim kaba dei na UK jong u Amritpal Singh bad ruh ki la buh da ka jingmudui kaba thymmai pyrshah ïa u halor ka jingbyrngem briew, ka jingdawa pisa bad ka jing-leh ïa ki kam sniew katkum ka jingmudui jong u nongïalam niam jong ka Gurdwara.
Kumba la ïathuh ka tyllong khubor la ong ba arngut ki DSP ki la kylli jingkylli ïa ki dkhot jong ka longïing jong u Amritpal ha ka ïingsah jong ki kaba don ha Jallupur Khera hajan Amritsar.
U Amritpal uba dei u nongïalap niam bad u nongkyrshan jong ki nong Khalistan u la ïathoh bad ka Kiran Deep Kaur, kaba dei ka nong Britain, ha u bnai ba la lah.
Kumba la ïoh jingtip la ong ba ka la shah kylli jingkylli halor ka jingshah kynnoh donkti ha ka jingdon ka jingbei tyngka kaba nabar ri.
Ha kaba ïadei bad kane, ka kali arshaka ha kaba u Amritpal u la phet na ka Gurdwara jong ka shnong Nangal Ambian hadien ba u la dep ban kylliang jaiñ phong la ïoh ban kurup.
U Amritpal uba long u heh nongïalam jong ka Waris Punjab De u la shah pynshisha ba u la leit sha Gurdwara kaba don hajan Jalandhar ha ryngkat ki nongïarap jong u ha kaba ki la pynlut por ban don ha katei ka jaka lajan shi kynta.
