C. B. Iawphniaw
Kane ka rukom jied da kaba la niew khlieh ia ki Syiem, ki Lyngdoh ki sordar bad ki Matabar hapoh ka Bri u Hynñiewtrep kam dei ka dustur ka Riti u Khasi. Ka dei ka rukom leh bad bud ia ka jingbthah u phareng nadien ba u la wan jop thma ia ki Syiem ka ri Khasi – Jaintia iathuh ki riewtymmen ba la khlad.
Namar ha ka por shuwa ka jingwan u phareng u Khasi um da nang pule nangthoh nangtar kumba long mynta. U Khasi u shu suh da ki kyrwoh da kaba thain da ki siej bad ki thri. U phareng u shem jingeh ban pyniaid ia ka rukom u Khasi. Ban pynieng da kaba shu ia thep vote kumba long mynta ruh kim tip, kumno ban ioh haba kim nangthoh nangtar bad kumta ka jingjied jingthung ia ki nongsynshar shnong nongsynshar thaw ia shu ia phiah briew, namar um nangkhein nangdiah.
Ki shu phah shong ha ka liang kamon ia ki briew ba mon ia uwei u kyrtong bad kumjuh ia kito kiba mon ia uwei ia leh ia ka kam Matabar.
Kane ka dei ka rukom jied ia ki syiem ki Lyngdoh ki Matabar ha ki por mynshuwa. Naduh mynta la shu pynnoh da kaba ia niew khlieh briew. Hynrei ha ka jingshisha ka donkam ban jied ia u Syiem bad ki Sordar shnong da ka ia thep vote kan long kaba khuid bad kaba pdiang hun da ki nongshong shnong baroh.
Kane kein ka synshar paidbah kaba paka lane kata ka Real Democracy kumba la ioh mynta ha ka ri baroh kawei, da kaba shu ia thep vote.
